Digital Love

About this book

ఈ కథ రాయడానికి నాకు ఒక పెద్ద కారణం లేదు. కానీ ఒక చిన్న పరిశీలన ఉంది. మన కాలంలో ప్రేమ మాయమైపోలేదు. ప్రేమ కొంచెం మారింది. మనుషులు ఇప్పటికీ ఒకరిని ఒకరు ఇష్టపడుతున్నారు. కానీ చాలా సార్లు వాళ్లు ప్రేమిస్తున్నది మనిషిని కాదు. ఆ మనిషి ఇచ్చే అటెన్షను. "Online," "Seen," "Typing..." వంటి చిన్న చిన్న విషయాలు మన భావాలను ప్రభావితం చేస్తున్నాయి. ఈ కథలో ఉన్న పాత్రలు పర్ఫెక్ట్ కాదు. వాళ్లు తప్పులు చేస్తారు. కొన్ని మాటలు ఆలస్యంగా చెప్తారు. కొన్ని నిజాలు చెప్పకుండా వదిలేస్తారు. బహుశా నిజ జీవితంలో మనం కూడా అలానే ఉంటామేమో. ఈ కథను రాస్తున్నప్పుడు నాకు ఒక విషయం మాత్రమే ముఖ్యంగా అనిపించింది - సంబంధాలు ఎప్పుడూ బ్లాక్ అండ్ వైట్లో ఉండవు. అవి ఎక్కువగా గ్రేలోనే ఉంటాయి. ఈ కథలో మీరు మిమ్మల్ని చూసుకుంటే లేకపోతే మీకు తెలిసిన ఎవరో ఒకరిని గుర్తు చేసుకుంటే ఈ కథ తన పని చేసిందని నేను భావిస్తాను. - గణేష్ మొలుగూరి